Blog Details

എൻ.എസ്.എസ്. ഹഡ്സൺ വാലിയുടെ കുടുംബസംഗമവും വിഷു ആഘോഷവും പ്രൗഢഗംഭീരമായി

ന്യൂയോർക്ക്; ഏപ്രിൽ 23 ഞായറാഴ്ച്ച റോക്ക്ലാൻഡ് ഓറഞ്ച്ബർഗിലെ “സിത്താർ പാലസ്സിൽ” ചേർന്ന എൻ.എസ്.എസ്. ഓഫ് ഹഡ്സൺ വാലിയുടെ കുടുംബസംഗമം ഫസ്റ്റ് ലേഡി ജഗദമ്മ നായർ, സെക്രട്ടറി പത്മാവതി നായർ, മിനി കൃഷ്ണകുമാർ, വൈസ് പ്രസിഡന്റ് ചന്ദ്രൻ നായർ, ഡോ. പി.ജി. നായർ എന്നിവർ ചേർന്ന് ഭദ്രദീപം തെളിയിച്ച് ഉദ്ഘാടനം നടത്തി. ജയപ്രകാശ് നായർ പ്രാർത്ഥനാഗാനം ആലപിച്ചു.

കോവിഡുകാലത്തെ ഭീതിദമായ നീണ്ട ഇടവേളയ്ക്ക് ശേഷം അംഗങ്ങൾ സകുടുംബം ഒത്തുചേർന്ന സന്തോഷം പങ്കുവച്ചുകൊണ്ട് പ്രസിഡന്റ് ജി.കെ. നായർ ഏവരെയും സ്വാഗതം ചെയ്തുകൊണ്ട് ഹഡ്സൺ വാലിയിലെ നായർ സമൂഹത്തിന്റെ ഇതുവരെയുള്ള പ്രവർത്തനങ്ങളെക്കുറിച്ച് വിശദീകരിച്ചു. സെക്രട്ടറി പത്മാവതി നായർ കഴിഞ്ഞ വർഷങ്ങളിൽ നമ്മെ വിട്ടുപിരിഞ്ഞ കുടുംബാംഗങ്ങളെ അനുസ്മരിച്ചുകൊണ്ട് ഒരുമിനിട്ട് മൗന പ്രാർത്ഥന നടത്തിയ ശേഷം വാർഷിക റിപ്പോർട്ട് അവതരിപ്പിച്ചുകൊണ്ട് പ്രധാനമായി നടന്ന ചാരിറ്റി പ്രവർത്തനങ്ങളെക്കുറിച്ച് പ്രതിപാദിച്ചു. അതിൽ പ്രധാനമായും “താങ്ക്സ് ഗിവിംഗ്, ദീപാവലി” സമയത്ത് നോൺ പെരിഷബിൾ ഫുഡ് ശേഖരിച്ച് റോക്ക്ലാൻഡ് കൗണ്ടിയിലെ “പീപ്പിൾ റ്റു പീപ്പിൾ” ചാരിറ്റി സംഘടന വഴി അർഹരായവർക്ക് വിതരണം നടത്തി;